Македонија се обврза на промовирање на владеење на правото и борба против неказнивоста. Спротивно на ова, денешната одлука на претседателот Иванов за амнестија на бројни функционери предизвикува сериозна загриженост. Таа се случува во време кога сите партии треба да бараат начин за заштита на Договорт од Пржино, се вели во реакцијата од Европската унија.
– Ги повикуваме сите страни да избегнат постапки кои ги доведуваат во ризик и ги поткопуваат повеќегодишните напори во земјта и со поддршка од меѓународната заедница да го зајакнат владеењето на правото, се вели натаму во реакцијата.
Воедно се истакнува дека е „важно да се поддржи работата на Специјалната обвинителка и нејзиниот тим избрани од Парламентот како дел од Договорот од Пржино, да продолжат со истрага на сериозните прашања што беа покренати минатата година.
Од еднаква важност е да се подготват кредибилни избори и да се одржи земјата на евроатлансткиот пат. Во таа смисла од суштинско значење е сите партии да се вратат на дијалог и да дојдат до заеднички договор што ќе им служи на граѓаните“, се вели во реакцијата на ЕУ.