Реал Мадрид повторно имаше многу среќа во ждрепката за Лига на шампиони, а толку често да се биде миленик на среќата во извлекувањето отвори основи за сомневање во местенка.
Бранителот на титулата, кој во групната фаза заврши на второто место, во осмина финале можеше да игра против Јувентус или Арсенал од појаките соперници, а го доби Наполи.
Тоа беше доволно од Каталонија да тргнат приказни за местење на ждрепката за Лигата на прваците. Навивачите на Барселона го обвинуваат Реал како мадридски клуб кој има сјаен однос со УЕФА и дека заради тоа со години има полесни соперници на пат кон завршницата на натпреварувањето.
И навистина, Реал од 2010 година на речиси секоја ждрепка е „среќлија“. Така, во првата сезона на Мурињо беше извлечен Лион, па Тотенхем, по што испадна од Барселона.
Следната сезона Мадриѓаните играа против ЦСКА и АПОЕЛ на кои им дадоа вкупно 13 голови пред да испаднат во полуфиналето од Баерн.
Манчестер Јунајтед беше најтешкиот ривал на Реал во осмина финале на Лига на шампиони.
Во сезоната 2012/2013 Реал играше против Јунајтед, што до денес е негова најтеѓка ждрепка во осмина финале, а потоа преку Галатасарај стигна до полуфинале и Борусија.
До првата титула во оваа деценија Реал стигна во 2014 година, а тогаш на патот до полуфинале го имаше Шалке, како и многу послабата Борусија без Левандовски и Геце.
Шалке и следната година беше конкурент на Реал во осмина финалето, а потоа тимот на Анчелоти играше против градскиот ривал Атлетико. Со оглед дека тогаш немаше среќа во четвр финалето, во полуфиналето Реал го извлече Јувентус, најлесниот противник во конкуренција со Барселона и Баерн, но италијанскиот првак помина понатаму.
И минатата сезона во која стигна до 11 европска титула, Реал во полуфиналето имаше среќа бидејќи го извлече Манчестер Сити, дебитант во таа фаза на натпреварувањето, а можеше да биде и Баерн или Атлетико. Претходно, повторно и беше миленик на среќата и играше против Рома и Волфсбург.
За споредба, Барселона во изминатите години во осмина финале против Баерн, Милан и по два пати Арсенал и Сити, а во четвртина финале играше против Шахтар, Милан и по два пати против Париз Сен Жермен и Атлетико Мадрид. Каталонците оваа сезона во осмина финале ќе играат против ПСЖ, па и затоа не е чудно што се бесни на УЕФА.
Сомневањата додатно се појавија и после последните изјави на Сеп Блатер, поранешниот претседател на ФИФА, кој тврди дека ждрепката на ФИФА не се местела додека тој беше претседател, но дека тоа не може да се тврди и за европските натпревари.