Најновиот филм на „Марвел Студио“, „Одмаздници: Завршница“ урива рекорди во гледаност и по заработка по само неколку дена по премиерата.
Според компанијата „Волт Дизни“, за само два дена прикажување во САД се заработени 156,7 милиони долари што е многу повеќе од претходните рекорди на „ Војна на ѕвездите: Моќта се буди“ кој во 2015 година приходуваше 119 милиони долари и „Одмаздници: Војна на бесконечноста“ што лани донесе профит од 106 милиони долари.
Најновиот филм на „Марвел Студио“ и на глобалниот филмски пазар оствари рекордна заработувачка од 644 милиони долари и го надмина „Одмаздници: Војна на бесконечноста“ кој заработи 641 милиони долари.
„Одмаздници: Завршница“ е големо финале на приказните од светот на суперхерои на Марвел, кој почна со „Ајронмен“ во 2008 година. Критичарите го оценуваат тричасовниот филм „Одмаздници: Завршница“ како супер спектакл.