Published: Wednesday, August 25, 2021 18:32
Фудбалерот од средниот ред на сплитски Хајдук, Јани Атанасов доби повик од селекторот Благоја Милевски да биде дел од А репрезентацијата на Македонија за претстојните квалификациски натпревари за Светското првенство во Катар во 2022 година.
Поранешниот капитен на репрезентацијата до 21 година добива шанса да биде дел од најдобриот национален состав, откако стана извесно дека Аријан Адеми од Динамо Загреб нема да може да се стави на располагање на тимот за натпреварите против Ерменија (2 септември), Исланд (5 септември) и Романија (8 септември).
Неизвесно е доаѓањето и на Бобан Николов од молдавски Шериф поради позитивен тест на коронавирус.