Специјалната обвинителка во дебата на Форумот на граѓанското општество, на тема „Враќање на демократијата, Европа и социјалната правда“, порача дека судството треба да е куче-чувар на владеењето на другите две власти, за да нема злоупотреба на извршната и законодавната власт.
„Ние се бориме против неказнивоста, против корупцијата. Целиот овој процес на крајот мора да резултира со подобрување на демократијата. Конкретните резултати од нашата работа зависат од многу фактори. Почнавме од една позиција. Тешко е. Треба заедно, како општество да ја промениме ситуацијата со неказнивоста и корупцијата“, изјави Ристовска.
Ристовска изјави дека СЈО го кажува тоа што другите се плашат, како и дека луѓето имаат потреба од правда и чувство дека во оваа држава сите се еднакви пред законот.