Аритмичка кардиомиопатија е причина за смртта на 32. годишниот капитен на Фиорентина, Давиде Астори чие безживотно тело беше пронајдено во хотелска соба пред натпреварот на 4 март оваа година против Удинезе во Серија А. Ова е најновиот детал во извештајот што го објавија италијанските власти во врска со трагичниот настан што ја шокира јавноста.
Срцевата аномалија што беше фатална за Астори не може да се открие во само 20 отсто случаи. Затоа и истрагата е сè уште отворена се додека и дефинитивно не се утврди дали смртта на фудбалерот не можела никако да се спречи. Документот го објави Универзитетот во Падова што котира меѓу петте водечки во светот во областа на патологијата и кој има истражувано околу 800 случаи на изненадувачка смрт кај лица помлади од 35 години од кои околу 100 се спортисти.
Утврдено е дека една четвртина од нив починале од аритмија што е предизвикана од кардиомиопатија што е наследна болест. Ризикот за фатални последици по живот кај лицата кои се занимаваат со спорт е пет пати поголема, а заклучок е дека состојбата што доведе со смрт кај Астори е невозможно да се дијагностицира кај 20 отсто од случаите.
„Сигурни сме дека аритмичка кардиомиопатија е примарна причина за смртта. Но, побаравме мислење и од стручњаци по прашањето дали болеста може да се дијагностицира навреме и дали постои ризик група што најмногу ја погодува“, вели Катја Марино која го истражува случајот.
Освен за Давиде Астори, аритмичка кадриомиопатија беше кобна и за неговите колеги Пјермарио Моросини и Антонио Пуерта, хокеарот Дарси Робинсон, итн.