Рускиот суд осуди двајца членови на хакерска група на три години затвор по нападите врз профилите на високи руски функционери на социјалните мрежи, вклучувајќи го и премиерот Дмитриј Медведев.
Константин Тепљаков и Александар Филинов се прогласени за виновн за „незаконски пристап до компјутерски информации“, објави судот по изрекување на пресудата.
Судот во Русија на почетокот на јуни го осуди водачот на оваа хакерска група на две години затвор.
Владимир Аникијев кој ја водел хакерската група „Шалтај – Болтај“ (Hampti-Dampti), обвинет е за хакерски напад на Твитер профилот на рускиот премиер.
Хакерската група во 2014 ја презеде одговорноста за напад на твитер профилот на Медведев. Оваа група во име на Медведев напиша порака дека ја напушта премиерската фотеља за да стане фотограф. Во истата порака се критикува рускиот претседател Владимир Путин.
Оваа група првично се претставуваше како хакерска група противник на Кремљ, но подоцна некои хакери признале дека продавале информации на оние кои им нуделе повеќе пари.