Руски воен хеликоптер го нарушил финскиот воздушен простор, соопшти Министерството за одбрана на Финска, додека земјата разгледува потенцијална кандидатура за членство во НАТО.
„Типот на воениот хеликоптер бил Mi-17, а длабочината на сомнителниот прекршок е околу четири до пет километри“, изјави портпаролот на Министерството за одбрана на Финска за APF.
Инцидентот се случил во средата во 09:40 часот по локално време. Ова е второ нарушување на воздушен простор од Русија годинава, по претходното во април, а и двете се случија по војната во Украина.
Цивилен транспортен авион на руската армија на 8. април накратко навлезе во финскиот воздушен простор. Експертите предупредија дека Финска и Шведска најверојатно ќе бидат предмет на руско мешање бидејќи сметаат дека пристапувањето во НАТО е средство за одвраќање на агресијата од нивниот источен сосед.