Американската војска соопшти дека САД и Русија се согласиле повторно да воспостават воен дијалог на високо ниво, повеќе од четири години откако комуникацискиот канал беше суспендиран.
Овој комуникациски канал беше суспендиран есента 2021 година, кратко пред почетокот на конфликтот, соопшти Европската команда на САД.
Европската команда на САД соопшти дека комуникацискиот канал бил затворен кратко пред почетокот на конфликтот во Украина и дека неговото повторно активирање е резултат на состаноците во Абу Даби меѓу генералот Алексус Г. Гринкевич, командант на Европската команда на САД, и високи руски и украински воени претставници.
Денес беше објавено и дека САД и Русија се блиску до договор за продолжување на договорот за контрола на оружјето „Нов СТАРТ“, објави „Аксиос“, повикувајќи се на повеќе неименувани извори.
Се согласивме со Русија да дејствуваме со добра намера и да започнеме дискусии за начините на кои договорот би можел да се ажурира“, изјави неименуван американски функционер.