По интервјуто на лидерот на ВМРО-ДПМНЕ, Никола Груевски, во кое го обвини претседателот на СДСМ, Зоран Заев, дека делува против интересите на државата, од СДСМ вечерва излегоа со соопштение. Оттаму велат дека ниту една лага на Никола Груевски нема да го спречи патот на граѓанска и единствена Македонија кон подобра иднина за сите.
„Мнозинството граѓани гласаа за ставање крај на корпутивниот режим на Груевски и фамилијата. Македонија наскоро ќе добие влада на граѓаните. Промените се случуваат, граѓанска единствена и слободна Македонија оди напред и тоа никој не може да го спречи“, пишува во велат од СДСМ.
Социјалдемократите додаваат дека Никола Груевски цели десет години злосторнички се однесувал кон Македонија и нејзините национални и стратешки интереси.
„Груевски и неговите најблиски соработници ќе одговараат пред институциите на системот за грабежот, криминалот, корупцијата, личните, професионални и семејни трагедии што им ги нанесоа на граѓаните на Република Македонија.Лагите на обвинетиот Груевски за наводни редефенирања, федерализации и кантонизации на државата се последица на стравот од соочување со правдата која доаѓа“, велат од СДСМ.
Од партијата на Заев додаваат дека никој повеќе не му верува на обвинетиот Груевски.
„На граѓаните на Македонија им е јасно дека под закана се само привилегиите на Груевски и фамилијата“, додаваат од СДСМ.