“По 11 декемви заедно со вработените во РЕК Битола и со целиот енергетски сектор ќе ги изградиме и ќе ги обновиме енергетските компании во Р.Македонија, ќе го зголемиме домашното производство, ќе ја вратиме евтината тарифа за граѓаните и пред се ќе обезбедиме стабилен и ефикасен енергетски систем”, изјави денес во Битола Митко Андреевски, претседател на Комисијата за енергетика на СДСМ.
Тој наведе дека “фактите говорат дека во изминативе 10 години оваа власт ја зголеми цената на електричната енергија за цели 100%! Го намали домашното производство на електрична енергија за близу 35%! Зголемен е увозот на електрична енергија за 40% и укината е евтината тарифа!”.
И додаде дека “огромен профит” од енергетскиот сектор завршил “во џебовите на фамилијата на сметка на осиромашените граѓани”.
“Менаџментот на компаниите направи модернизација на енергетските капацитети во висина од 700 милиони евра, но кога ќе ги погледнете резултатите ќе видите дека огромен профит завршил во џебовите на фамилијата на сметка на осиромашените граѓани.
Во изминативе денови бевме сведоци на низа оставки во енергетските компании.
Тоа се вистинските причини поради коишти се случија тие оставки.
Денеска ние говориме за Вистината во електро-енергетскиот сектор, по 11 декември дел од учесниците ќе мора да проговорат кој бил нарачател и кои биле извршителите.
Извршителите ќе одговараат, но најважно за нас е во преостанатите 58 дена до изборот на нова влада вработените да не потпаднат под притисок и влијание на оваа група, мора да внимаваат да не бидат повлечени со нив!”, вели Андреевски.