Стратегијата за Западен Балкан и за проширувањето на Европската унија е уште една добра вест за Република Македонија, оценуваат од владејачкиот СДСМ.
-Изразената подготвеност на Европската комисија да даде препорака за почеток на преговорите за членство, врз основа на исполнети услови, се признаение за напорите на Република Македонија и претставуваат охрабрување за дополнителни резултати во клучните области, се вели во соопштението.
Од СДСМ истакнуваат дека истовремено, Стратегијата обезбедува и конкретни придобивки за граѓаните и бизнис заедницата.
-Зголемувањето на фондовите за Еразмус плус за патување и студирање, отворањето на нови фондови за почнување бизниси, отпочнувањето на процесот на создавање на Енергетска унија меѓу ЕУ и Западен Балкан, зголемувањето на бројот на проекти за патна и железничка инфраструктура, како и идното етапно покачување на претпристапната помош преку ИПА фондовите, се дел од придобивките што следуваат во евроинтеграцискиот процес на Република Македонија, се вели во сооопштението.