Published: Friday, October 1, 2021 19:52
Поранешниот претседател на Грузија, Михаил Саакашвили е уапсен откако на социјалната мрежа „Фејсбук“ објави дека се вратил во земјата од Украина каде живееше во бегство, соопшти премиерот на Грузија, Иракли Гарибашвили.
Саакашвили беше советник на украинскиот претседател Зеленски.
Враќањето на Саакашвили во Грузија доаѓа на само еден ден пред изборите. Тој во 2008 година беше осуден за злоупотреба на службената положба на шест години затвор. На него му се судеше во отсуство.
Саакашвили, должноста претседател на Грузија ја извршуваше во два мандати. Првиот од јануари 2004 до ноември 2007 година, а вториот мандат го извршуваше од јануари 2008 година до ноември 2013 година.