Сопственикот на ТВ НОВА (која никако не е поврзан со порталот НОВА), Сеад Кочан се појави пред Кривичниот суд со својот адвокат Никола Додевски на распит откако Специјалното јавно обвинителство (СЈО) побара притвор.
Кочан е осомничен во предметот „Труст“, а во кој вкупно се осомничени три физички и три правни лица, меѓу кои и управителите на фирмите „Трансмет“, „Силекс“ и „Вато“ ДООЕЛ од Студеничани за учество на тендер на Електрани на Македонија.
Во случајот „Труст“, како што информираше СЈО неодамна, три фирми задружени во конзорциум го добиле тендерот на ЕЛЕМ вреден 1,06 милијарди денари или над 17 милиони евра, доставувајќи фалсификувани документи за сопственост на мехнизација и за кадровска екипираност.
Од тимот на СЈО во Кривичниот суд се присутни обвинителите Артан Ајро и Гаврил Бубевски.