Саудиска Арабија го направи најголемото изненадување на Мундијалот во Катар и едно од најголемите во историјата на Мундијалите. Го совлада фаворитот Аргентина и победи со 2:1.

Аргентинците поведоа со голот на Меси од пенал во 10-та минута, но Ел Шехри и Ел Дасарви во 48 и 53-та минута им донесоа голем триумф на Саудијците.

Саудијците грубо го започнаа натпреварот, а во 8-ма минута беа казнети, кога Абдулхамид по корнер го повлече Паредес. По гледањето на видеото, беше досуден пенал, со кој Лео Меси рутински смести гол во мрежата во десеттата минута од натпреварот.

Се чинеше дека голот на Лаутаро Мартинез во 27-та минута на одличната асистенција на Гомез ќе биде признаен, но прегледот на видеото покажа дека Мартинез е во офсајд.

Потоа, Мартинез доби уште еден поништен гол поради, овој пат, очигледен офсајд. И покрај сето тоа, Аргентина можеше да дојде до два гола предност до полувремето, но Де Пол ужасно шутираше од многу добра позиција, од работ на шеснаесетникот.

А потоа шокот на стартот на вториот дел. Ел Шехри ја користи бавната реакција на одбраната на Аргентина и мајсторски го измами Мартинез за 1:1 во 48-та минута.

Тоа не беше се. Само пет минути подоцна со спектакуларен гол од работ на шеснаесетникот капитенот Ел Дасаури и донесе водство на Саудиска Арабија која во тој момент играше како во транс.

Аргентинците се обидоа во продолжението од мечот, но освен стопроцентната шанса на Таџиф во 65-та минута кога блескаво реагираше саудискиот голман, немаа посериозни можности.

Меси се обиде со глава во 84-та минута, но Ел Овејс лесно го сопре. Имаше осум минути прекини, но ништо не се промени и славењето на Саудијците можеше да започне.

Извор: Н1