Јувентус го доживеа првиот пораз во сезоната во Серија А за што сите заслуги одат на сметка на Горан Пандев. Џенова ја совлада „старата дама“ со 2:0 во меч од 28 коло со два гола во второто полувреме и тоа по влегување во игра на капитенот на македонската фудбалска репрезентација.
Пандев мина еден час на клупата пред Чезаре Прандели да реши да го испрати на терен со надеж дека токму тој може да направи разлика. И ја направи. Во 72. минута му асистира на Стефано Стураро за 1:0, а во 81. минута со мајсторски удар и самиот се запиша во листата на стрелци за конечни 2:0 на „Луиџи Ферарис“ во Џенова.
Ова за Пандев е трет гол во тековното издание на италијанскиот фудбалски шампионат. Претходно погоди Сасусоло и против Киево. Напаѓачот на Џенова во четрвток во Скопје ќе одбележи и јубилеен 100 настап во дресот на македонската репрезентација во мечот со Летонија во квалификациите за ЕП 2020.