Горан Пандев го постигна првенецот во Серија А во новата сезона, но неговата Џенова не успеа да избегне пораз во третото коло. Сасуоло ја доби голеадата на домашен терен со 5:3 и остана веднаш зад Јувентус на врвот на табелата во италијанското првенство. Капитенот на македонската фудбалска репрезентација беше во почетниот тим кај гостите, одигра цел натпревар и во листата на стрелци се впиша во 70. минута за намалување на 5:2 во тие моменти.
Италијанската јавност, навивачите и стручниот штаб на Јувентус ќе мора да причекаат барем до наредното коло на премиерниот гол на Кристијано Роналдо што, секако, и самиот го посакува. „Старата дама“ славеше над Парма на „Енио Тардини“ со 2:1, но Португалецот и во третиот настап не успеа да поентира.
Сампдорија го декласира Наполи со 3:0 за прв триумф во калчолигата во оваа сезона. Два гола за џеновјаните постигна Грегори Дефрел во 11. минута и во 32. минута, третиот беше дело на Фабио Квалјарела во 75. минута.
Минимални победи по 1:0 забележаа Торино над СПАЛ, Фиорентина против Удинезе и Лацио со Фрозиноне и Калјари на гостувањето кај Аталанта.
Серија А, 3 коло
Сасуоло – Џенова 5:3
Сампдорија – Наполи 3:0
Торино – СПАЛ 1:0
Лацио – Фрозиноне 1:0
Киево – Емполи 0:0
Аталанта – Калјари 0:1
Фиорентина – Удинезе 1:0
Болоња – Интер 0:3
Парма – Јувентус 1:2
Милан – Рома 2:1
Табела: Јувентус 9, Сасуоло 7, Фиорентина 6 (-1), СПАЛ 6, Наполи 6, Аталанта 4, Интер 4, Емполи 4, Рома 4, Удинезе 4, Торино 4, Калјари 4, Сампдорија 3 (-1), Милан 3 (-1), Џенова 3 (-1), Лацио 3, Парма 1, Болоња 1, Фрозиноне 1, Киево 1.