Северна Кореја истрела две балистички ракети од својот источен брег, соопшти денеска јужнокорејската војска. Ова ќе ги зголеми тензиите во односите меѓу двете земји, а истрелот следува само неколку дена по тестирањето на ракетата, објави Ројтерс.
Пјонгјанг постојано ја развива својата програма за оружје во услови на ќор-сокак во преговорите за денуклеаризација во замена за олеснување на американските санкции. Преговорите се во застој од 2019 година, потсетува Ројтерс.
Северна Кореја истрела две неидентификувани балистички ракети од централниот дел на нејзината територија кон источниот брег, а разузнавачките служби на Јужна Кореја и САД прават детална анализа за дополнителни информации, соопшти јужнокорејскиот Совет на началници на кабинетот.
Јужнокорејската војска го засили надзорот и е во тесна соработка со САД, се вели во соопштението на началникот на Генералштабот на Сеул.
Јапонската крајбрежна стража исто така објави дека била истрелана балистичка ракета од страна на Северна Кореја, прецизирајќи дека таа паднала надвор од зоната на Јапонија.
Јапонскиот премиер Јошихиде Суга го нарече лансирањето на ракетата „срамен потег“ и остро го осуди како закана за мирот и безбедноста во регионот.
Суга и претседателот на Република Кореја Мун Еае-ин ќе свикаат состаноци на нивните совети за национална безбедност за да разговараат за лансирањето, соопштија нивните кабинети.
Кабинетот на Мун соопшти дека претседателто очекува да биде детално информиран за севернокорејските тестирања на балистичките ракети, што први од месец март и претставуваат уште едно прекршување на резолуцијата на ОН.
Најновото лансирање на ракета се случи во период кога министрите за надворешни работи на Јужна Кореја и Кина одржуваа разговори во Сеул поради загриженоста од неодамнешното лансирање на крстосувачки ракети од Пјонгјанг и ќорсокакот во преговорите за денуклеаризација меѓу Северна Кореја и САД.