Американската војска соопшти дека Северна Кореја од покраината Гвангвон лансираше три балистички проектили со краток домет кои летаа 250 километри и паднаа во Јапонското Море.
После лансирањето на интреконтиненталните балистички ракети минатиот месец, Пјонгпјанг се закани дека своите проектили ќе ги насочи кон американскиот остров Гуама, но најновиот нуклеарен тест не е закана ни за САД, ни за тој остров, соопшти американската армија.
„Ниеден балистички проектил не дојде до јапонските територијални води или до нашите економски зони. Известен сум веднаш после лансирањето дека нема директни последици по безбедноста на Јапонија“, изјави Јошихиа Суга, секретар на јапонската влада.
Сепак, премиерот Шинзо Абе даде насоки до институциите да останат во висока приправност, вели секретарот Суга.
Јапонскиот министер за одбрана вели дека земјата мора да биде подготвена да се избори со сите непредвидени ситуации бидејќи Северна Кореја ќе продолжи со развој на нуклеарно оружје и балистички проектили.
„Владата на Јапонија ќе направи се за да ја заштити безбедноста на земјата во тесна соработка со Америка и Јужна Кореја“, рече јапонскиот министер.
Такви нуклеарни проби на Северна Кореја обично се одговор на вежбите на соседна Јужна Кореја, која моментално ги врши заедно со САД, а во кои учествуваат повеќе илјади војници.