Северна Кореја вчера организирала масовна прослава во чест на научниците кои се заслужни за најмоќното нукеларно тестирање во историјата на земјата. Свеченоста била одбележана со огномет и огромен собир на граѓани во Пјонгјанг.
Жителите на главниот град се собраа на плоштадите за да аплаудираат на конвојот автобуси во кои биле научниците. Насобраните носеле знаменца и фрлале конфети кон истражувачите заслужни за успешната ракетна проба.
На плоштадот Ким ил Сунг се собрале повеќе десетици илјади луше. Наоколу биле поставени транспаренти на кои пишувало: „Му оддаваме највисока почест на другарот Ким Јонг Ун, врховниот водач кој на корејскиот народ му го подари најголемото достигнување во историјата“ и „Никој не може да не запре на нашиот пат кон иднината“.
Шестото севернокорејско нуклеарно тестирање предизвика осуда од меѓународната заедница. САД, Јужна Кореја и Јапонија бараат проширување на санкциите на ОН.