Силен циклон го погоди североисточниот брег на Австралија предизвикувајќи огромна штета, поројни дождови и растури стотици домови. Циклонот „Деби“ кој според надлежните е од четврта категорија, со себе носи ветрови од 263 километри на час.
Премиерот Малколм Трнбол активираше кризен штаб бидејќи Австралија не очекува истиот да запре наскоро.
– Ќе имаме доста штета пријавено, веројатно и неколку повредени а не се исклучуваат и смртни случаи, вели Иан Стјуарт од полицијата Квинсленд.
Одредени делови од брегот се заробени во неизвесност бидејќи прекинати им се електричната енергија и телефонските врски.
Над 25.000 луѓе се повикани да се засолнат во своите домови бидејќи се очекува Деби да биде најсилниот циклон од 2011 година наваму.
Околу 2.000 припадници на службите за брз одговор се на готовс, но надлежните апелираа дека тие ќе одговорат само во екстремна неопходност.
Затворени се 181 училиште а откажани се летовите од Таунсвил и Макај аеродромите.