Published: Monday, August 10, 2020 15:32
Заменичката на претседателот на Владата и министерка за одбрана, Радмила Шекеринска денеска во касарната „Илинден“ положи венец на споменикот на загинатите бранители, во спомен на осумтемина припадници на резервниот состав на Армијата кои загинаа кај месноста Љуботенски бачила.
На споменикот на загинатите бранители, венци положиле и членови на нивните семејства и делегација од кабинетот на Претседателот на државата, соопштија денеска од Министерството за одбрана.
На денешен ден, пред 19 години кај месноста Љуботенски бачила загинаа Томе Бадаревски, Бранко Јанев, Марјанчо Бошковски, Раде Јанковски, Гоце Чанкуловски, Томислав Настевски, Ивица Златевски и Томе Димоски.