По апсењето на новинарите Иван Ејнџел од медиумот „Вокатив“ и Алекс Рубинстајн од „РТ Америка“ во понеделникот, обвинети за прекршоци додека известувале за инаугурацијата на Доналд Трамп, уште четворица други се уапсени, пренесува „Гардијан“.
Додека ги покривале протестите за време на инаугурацијата, шестмината се соочуваат со казна од 10 години затвор и 25.000 долари, доколку бидат осудени.
Освен Ејнџел и Рубинстајн, уапсени се уште документарен продуцент, фоторепортер, линкаџија и репортер, а американските власти ги сомничат за учество во толпа која предизвикала неред.
Сите шестмина се сослушани од полицијата, и очекуваат рочишта во февруари и март.
„Обвиненијата се несоодветни и загрижени сме дека истите ќе испратат порака до новинарите кои во иднината ќе покриваат протести“, вели Карлос Лауриа, од Комитетот за заштита на новинарите. „Бараме од властите во Вашингтон да ги отфрлат обвиненијата“.
Продуцентот Џек Келер, кој работи на документарна серија „Приказната за Америка“, вели бил обвинет и во притвор околу 36 часа откако бил “фатен“ од полицијата во петокот наутро, и уапсен и покрај тоа што на полицијата и се претставил како медиумски работник.
„Непристоен беше начинот на кој бевме третирани“, потенцира тој.
Вкупно 200 луѓе беа уапсени во петокот, откако беше вандализиран државен имот во Вашингтон за време на инаугурацијата на Трамп.
Полицијата пак, извести дека шестмина офицери виле полесно повредени.
Во ниеден од полициските извештаи за шестмината новинари, нема специфично обвинение кое објаснува што направиле погрешно додека ги покривале протестите.
Засега нема реакција за апсењата од Канцеларијата на новиот јавен обвинител, Џеф Сешнс.
Ејнџел и Рубинстајн во судница ќе се најдат во средината на февруари, додека Џек Келер, Мет Хопард, Арон Канту и Шеј Хорс во судот ќе се најдат околу средината на март.