Published: Sunday, December 26, 2021 10:43
Шест лица загинаа, а пет се повредени во пукање во Бразил за време на прослава на Божиќ на фудбалски терен, јавија локалните медиуми.
Инцидентот се случил во градот Фотралеза, во североисточниот дел на Бразил, а службата за јавна безбедност во државата Сеара соопшти дека загинатите се луѓе на возраст меѓу 15 и 26 години. Десет лица беа приведени, а властите соопштија дека четворица жртви и биле претходно познати на полицијата за членство во криминални организации.
Бразилските медиуми наведуваат можност дека тоа бил конфликт меѓу банди, повикувајќи се на извори во воената полиција.