Германскиот сојузен канцелар Олаф Шолц сака 80 отсто од луѓето во Германија да бидат имунизирани до 7 јануари, јави агенцијата ДПА. Според портпаролот на кабинетот, Штефен Хебешрајт, ова се однесува на оние со примена прва доза на вакцина.
Во моментот, 61,2 милиони луѓе во Германија се вакцинирани со најмалку една доза, што е 73,6 отсто од вкупното население.
За да се стигне до целта од 80 проценти, на околу 5,3 милиони лица треба да им се аплицира прва доза до 7 јануари. На тој датум, Шолц има намера да одржи дополнителни разговори со премиерите на германските провинции за борбата против пандемијата на коронавирусот.
Шолц ја спомена новата цел на кампањата за вакцинација, но потоа не прецизираше конкретен рок.