Швајцарците на денешниот референдум одлучно одлучија во корист на бракови за сите, односно гласаа „за“ можноста за склучување на истополови бракови, што претставува голем пораз за сите противници што ги сметаа како закана по благосостојбата на детето, пренесува Хина.
Позитивно на референдумот се изјаснија 64,1 отсто, а тоа е конечен резултат што го објави и федералната влада. Сите швајцарски кантони, вклучувајќи ги и најконзервативните, гласаа „за“ на денешното изјаснување.
Денешниот резултат е одраз на промената на менталитетот што почна да се случува во последните 20 години. Тоа е навистина одраз на многу широко и важно прифаќање на ЛГБТ луѓето во општеството, рече Олга Баранова, портпарол на управниот одбор на организацијата „Приврзаници на брак“, пренесе АФП.
Во Западна Европа, Холандија се издвои меѓу првите во 2001 година, кога станува збор за правата на ЛГБТ заедницата. Брак за сите во Франција е легален од 2013 година, во Германија од 2017 година.