Шведска е уверена дека Турција ќе ја одобри нејзината апликација за влез во воената алијанса на НАТО, но нема да ги исполни сите услови кои Анкара ги постави за нејзина поддршка, рече шведскиот премиер.
„Турција ем потврдува дека го направивме она што го кажавме дека ќе го направиме, ем бара од нас нешта што ние не можеме или не сакаме да им ги дадеме“, рече премиерот Улф Кристерсон на конференцијата за одбранбена група во Шведска.
Финска и Шведска потпишаа трилатерален договор со Турција во 2022 година, со цел да се надминат приговорите на Анкара за нивното членство во НАТО.
Двете земји во мај поднесоа барање за влез во НАТО како одговор на руската инвазија на Украина, но Турција се спротивстави и ги обвини дека засолнуваат милитанти, вклучително и од забранетата Курдистанска работничка партија.
Кандидатите Финска и Шведска бараат одобрение од сите 30 земји-членки на НАТО, вклучително и Турција.
Во јуни, Шведска и Финска се согласија да преземат голем број чекори за надминување на приговорите на Турција, потпишувајќи тринасочен договор.
Едно од барањата на Турција беше Шведска и Финска да ги екстрадираат осомничените што Турција ги бара поради обвиненија поврзани со тероризам, иако двете нордиски земји рекоа дека не се согласиле на конкретни екстрадиции и дека сите барања ќе бидат разгледани во согласност со домашното и меѓународното право.
На прес-конференција подоцна во неделата, Кристерсон рече дека барањата што Шведска не може или не сака да ги исполни се надвор од опсегот на тринасочниот меморандум.
„Турција одвреме-навреме споменува поединци кои сакаат да ги видат екстрадирани од Шведска. На тоа реков дека тие прашања се решаваат во рамките на шведскиот закон“, рече тој.
Анкара изрази разочараност од одлуката на крајот на минатата година на највисокиот суд на Шведска да го запре барањето за екстрадиција на Булент Кенес, Турчин кој беше главен уредник на „Тудејс Заман“, за наводни врски со исламскиот научник Фетула Ѓулен, кој Турција го обвини за обидот за пуч во 2016 година.
Министерството за надворешни работи на Шведска соопшти дека екстрадицијата не може да се изврши во согласност со пресудата на Врховниот суд.
Турција вели дека Шведска сè уште не постапила за екстрадиција или замрзнување на имотот на луѓето за кои Анкара верува дека се поврзани со тероризам.
Извор: Еуроактив