Кинескиот лидер Син Џинпинг ја напушти Москва, завршувајќи ја повеќедневната средба со рускиот претседател.
Неговата посета беше моќен политички поттик за Владимир Путин, при што двете земји ветија дека ќе ги зајакнат стратешките врски и ќе се борат против Западот, иако не се споменуваше испорака на оружје за Москва.
Патувањето се совпадна со неочекуваната посета на јапонскиот премиер Фумио Кишида на Киев, кој исто така замина утрово.
Во Москва, Џипинг го промовираше мировниот план на Пекинг за Украина, кој Путин претпазливо го одобри, велејќи дека во вторникот може да обезбеди основа за решавање на конфликтот.
Западните земји и Киев веќе го отфрлија овој предлог
По разговорите, Путин и Џипинг издадоа заедничка изјава во која ветија дека ќе ја подобрат „стратешката соработка“, заедно со продлабочување на соработката во енергетиката, високотехнолошките индустрии и трговијата, за да се намали зависноста од Западот.
Руско-кинеската трговска размена се зголеми за 30 отсто минатата година на 185 милијарди долари, изјави претходно рускиот лидер. Се очекува оваа година да достигне 200 милијарди долари, додаде тој.
Двајцата ветија дека ќе развијат воена соработка и ќе спроведат повеќе поморски и воздушни вежби, но не се споменуваше кинеско снабдување со оружје за Русија – нешто поради што САД и нивните западни сојузници се загрижени.
За време на посетата, Путин и Џипинг ја пофалија претстојната „нова ера“ на односите со Западот, при што самитот имаше за цел да ја покаже цврстината на односите меѓу Русија и Кина.
Ова зближување доаѓа кога инвазијата на Москва во Украина и зголемената регионална самоувереност на Пекинг веќе создаваат тензии со САД и нивните сојузници.
Заменик-министерот за надворешни работи на Русија Сергеј Рјабков претходно го обвини НАТО дека сака да стане доминантна воена сила во светот и рече дека Москва се обидува да го спречи тоа.
„Затоа ја прошируваме нашата соработка со Кина, вклучително и во безбедносната сфера“, рече тој.
Во изјавата што имаше призвук од Студената војна, двајцата лидери го нападнаа Западот, обвинувајќи ги САД дека ја „поткопуваат“ меѓународната безбедност за да ја задржат својата „воена предност“.
И двајцата ја изразија својата загриженост поради зголеменото воено присуство на НАТО во Азија.
Соочена со западни санкции, Русија се обидува да ја преориентира својата економија кон исток, особено со пренасочување на санкционираните резерви на енергија.
Во вторникот, Путин објави договор со кинескиот колега за гигантскиот проект за гасоводот Siberian Force 2, кој ќе и овозможи на Русија да испорачува 50 милијарди кубни метри дополнителен гас секоја година.
Јапонија во Украина
Во меѓувреме, јапонскиот премиер Фумио Кишида во вторникот направи ненадејна посета на Киев, при што „украде“ дел од глобалното внимание од азискиот ривал Џипинг.
Двете посети, оддалечени речиси 800 километри, ги истакнаа последиците од војната во Украина за меѓународната дипломатија додека земјите се наредени зад Москва или Киев.
Тие следат една недела во која Кина и Јапонија имаа дипломатски успеси кои ја охрабрија нивната надворешна политика.
Пред неговото патување, јапонското Министерство за надворешни работи:
„Оддавам почит кон храброста и трпението на украинскиот народ кој стои да ја брани својата татковина под водство на претседателот Зеленски и да ќе покажем солидарност и непоколеблива поддршка за Украина, како шеф на Јапонија и претседавач со Г-7“.
„Кјодо њус“ соопшти дека Кишида ја посетил црквата во Буча, град надвор од Киев кој стана симбол на руските злосторства врз цивилите, положил цвеќеи им оддал почит на жртвите.
„Огорчен сум од суровоста. Ги претставувам јапонските граѓани да им изразам сочувство на оние кои ги загубија животите“, рече тој.
Кишида беше единствениот лидер на Г-7 кој не ја посети Украина и беше под домашен притисок да го стори тоа.
Како традиционално пацифистичка земја, поддршката на Јапонија за Украина е ограничена на опрема како што се шлемови, панцирни елеци и беспилотни летала, како и хуманитарни материјали, вклучително и генератори.
Токио придонесе со повеќе од 7 милијарди долари за Украина, притоа прифаќајќи повеќе од 2.000 раселени Украинци.
„Кишида стои со слободата, а Џипинг стои со воениот злосторник“, рече Емануел, осврнувајќи се на минатонеделната акција на Меѓународниот кривичен суд, кој издаде налог за апсење на Путин, велејќи дека сака да му се суди за киднапирања на илјадници на деца од Украина.
Извор Еуроњус
Подготви А. В.