СЈО денеска повторно истражува во РЕК Битола и Битолска млекарница

Два тима со обвинители и истражители на Специјалното јавно обвинителство се влезени во РЕК Битола и еден е во Битолската млекарница, објави „СДК“.

Од СЈО не откриваат детали со образложение дека се работи за предистражна постапка поврзана со наоди од прислушуваните разговори.

Тимови СЈО влегоа во РЕК и извршија увид врз дел од документацијата и на 5 октомври минатата година.

„Претставници на Специјалното јавно обвинителство со соодветна документација во рамки на нивните законски овластувања беа во РЕК Битола. Како компанија им излеговме во пресрет да обезбедиме за се што е предмет на нивните потреби“, рекоа тогаш од РЕК.