Марио Балотели имаше свое шоу во мечот со кој се заокружи 28 коло во француската Лига 1. Контроверзниот Италијанец го постигна единствениот гол во Марсеј за триумф на Олимпик на Ница со 1:0, за одржување на надежите на екипата од „Велодром“ дека Лигата на шампиони е на дофат, но и за одмазда на својот поранешен клуб и пред се Патрик Виеира дека прелесно се откажа од неговите услуги.
Петтиот гол во седмиот настап за тимот од југот на Франција го постигна со глава во 61. минута по нафрлување на Лукас Окампос.
Балотели е под договор со Ница со крај на сезоната меѓутоа како стојат работите тој и дефинитивно ќе остане во ростерот на Олимпик за наредната натпреварувачка сезона. Раководството на клубот од Марсеј е презадоволно од неговиот ефект, откако го позајми од Ница и подготвува сериозна понуда да го задржи во своите редови.
Лига 1, 28 коло
Олимпик Марсеј – Ница 1:0
Рен – Каен 3:1
Тулуз – Генгам 1:0
Сент Етјен – Лил 0:1
Монпелје – Анжер 2:2
Монако – Бордо 1:1
Дижон – Реим 1:1
Амиен – Ним 2:1
Стразбур – Олимпик Лион 2:2
Одложен е мечот Нант – ПСЖ
Табела: ПСЖ 71 (-1), Лил 57, Олимпик Лион 50, Олимпик Марсеј 47, Реим 43, Сент Етјен 43, Монпелје 42, Рен 40 (-1), Ница 40, Стразбур 38, Ним 36 (-1), Анжер 35, Бордо 33, Нант 31 (-1), Тулуз 31, Амиен 28, Монако 27, Дижон 21 (-1), Каен 20, Генгам 19.