Словенија е првата држава во Европа што прогласи крај на епидемијата на ковид-19

Словенија е првата европска држава што прогласи крај на епидемијата на ковид-19. Тоа беше сторена на вчерашната видео конференциска седница на Владата во Љубљана.

Одлуката дојде по проценката на националниот Институт за јавно здравје кој оцени оти сите показатели говорат за смирување на коронавирусот, поточно дека болеста во последните 14 дена е детектирана кај само 35 лица.

Првиот случај на ковид-19 во земјата беше регистриран на 4 март, а осум дена подоцна беше прогласена епидемија,. До 13 мај беа потврдени 1.464 пациенти, а како последица на болеста починаа 103 лица.