Министерството за надворешни работи на Словенија подготвува тужба против Хрватска поради непочитување на арбитражната пресуда за границата меѓу двете земји во Пиранскиот Залив, изјави вечерва шефот на словенечката дипломатија Карл Ерјавец, по средбата на лидерите на партиите од владината коалиција, без да соопшти повеќе детали.
Од друга страна, генералниот секретар на словенечката Влада, Љиљана Козлович информира дека Љубљана е во постојан контакт со Европската комисија околу прашањето на границата.
Таа додаде дека засега не е познато кога во Словенија и во Хрватска ќе допатува потпретседателот на Европската комисија Франс Тимерманс, кој е задолжен од Брисел да посредува меѓу двете држави околу овој спор.
Кога станува збор за средба меѓу премиерите на Словенија и на Хрватска, Миро Церар и Андреј Пленковиќ, Козлович истакна дека до неа нема да дојде се додека не се реши прашањето за импелментација на одлуката на арбитражата.