Собранието нема да се распушти во среда како што беше најавено. За четврток е закажана како пленарна седница со 18 точки на дневен ред а во петок политичките партии имаат средба со комесарот за проширување Јоханес Хан.
Според законот Собранието треба да се распушти од 45 до 60 дена од денот на одржување на изборите така што крајот на работата на пратениците треба да се случи најдоцна за 15 дена, на 27 октомври 2016 година.
Се дознава дека главната причина за не-распуштањето на овој собраниски состав е донесувањето на буџетот за 2017 година.
Покрај буџетот Собранието треба да ги корегира Изборните единици поради поголемиот број гласачи во 6-тата Изборна единица и да ги донесат измените на Законот за заштитени сведоци.
Овие измени што ги бара СЈО беа одбиени од пратениците на владеачката партија минатата недела. Но, лидерот на Демократскиот сојуз Павле Трајанов пак ги поднесе во Собранието.
До 27 октомври треба и Уставниот суд да каже дали формирањето на СЈО е неуставно.
За сите овие прашање лидерите треба да разговараат со комесарот за проширување на ЕУ Јоханес Хан в петок на 14 октомври.