Со помош на катапулт и балони во различни бои, демонстрантите вечерва повторно го офарбаа објектот на Собранието во рамките на Шарената ревплиција. Додека демонстрантите фрлаат балони со боја, Парламентот е под силно полициско обезбедување, а на самиот влез на Собранието можат да се забележат припадници на специјалните полициски сили.
„Остануваме на улица,се додека во оваа држава нема правда и нема мир“, порачаа говорниците и во денешните обраќања на протестот. Според нив, враќањето на министрите Чавков и Спасов на позициите е уште еден чекор назад кон диктатурата и му порачаа на поранешниот премиер Никола Груевски дека одлуките донесени на ВМРО ДПМНЕ во коалиција со ДУИ се неприфатливи и токму затоа граѓаните ќе останат на улица.
Протетстот е мирен, а пред малку на Шарената револуција и се приклучија пратениците од редовите на СДСМ, кои најавија дека утре ќе поднесат иницијатива за автентично толкување на Законот за помилување.