НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Солун: Протест против името, контрапротест против национализмот

7
By Нова ТВ on January 21, 2018 ПОЛИТИКА
СПОДЕЛИ
Facebook Twitter LinkedIn Email

„Македонија е грчка“,  „Името е нашата душа“, „Не го даваме и не го отстапуваме името“, „Македонија значи Грција“, беа главните пораки што ги испратија организаторите на протестот во Солун, против да се преговара за името Македонија.

Нешто повеќе од четири часа траеше официјалниот дел од собирот, а според грчката полиција, како што објави МИА , учествувале околу 90.000 граѓани од цела Грција кои со 284 автобуси пристигнале во Солун.

Според грчките медиуми, протестот, по масовноста ги надмина очекувањата, но ни приближно не наликуваше на демонстрациите од 1992.

Организаторите во нивните обраќања се задржаа на аргументите дека Грција не треба ниту да преговара ниту да прифати име во кое би бил вклучен терминот Македонија, бидејќи „Македонија била е и ќе остане грчка“. На присутните им се обрати и почесниот началник на Генералштабот на грчката армија Франгос Франгулис, кој во 2012 во тогашната службена влада еден месец беше министер за одбрана, во опширниот говор, меѓу другото побара во Грција да се одржи референдум пред да се потпише било каков договорот за името, но и „Скопје да признае грчко малцинство“.

– Нема да прифатиме прашање од типот на „Дали го прифаќате или не името Северна/Горна Македонија?“, туку бараме јасно прашање: “Ја прифаќате или не употребата на терминот Македонија?“, им рече на присутните Франгулис барајќи референдум во Грција. Порача дека нема да отстапат од нивните барања и доколку нема промена на ставот во однос на името Македонија, политичарите ќе се соочат со нив.

На собирот присутни беа пратеници од речиси сите опозициски партии, од Нова демократија, од Демократска алијанса, од Сојуз на централисти, од Златна зора, но и пратеници од коалициониот партнер во грчката влада, Независни Грци.

Официјалниот дел од собирот со обраќање го отвори солунскиот митрополит Антимос, со пораката: Македонија е Грција, Грција е Македонија. И покрај тоа што пред неколку дена рече дека поради препораката од архиепископот Јеронимос, нема да присуствува на протестот, сепак, Антимос, заедно со група митрополити и свештени лица пристигнаа во центарот на Солун.

По обраќањата на претставниците на здруженијата – организатори, собирот продолжи со музика, меѓутоа заврши ненадејно поради дождот.

Првичните коментари за протестот во онлајн изданијата на грчките медиуми, во поголемиот број опозициски ориентиран, се дека граѓаните преку масовниот собир упатија порака до владата во однос на преговорите за името. Протестот во живо, јавува дописникот на МИА од Атина, го емитуваа порталите, а не и грчките телевизии.

Контрапротест на левичарски и анархистички организации

Речиси во исто време со протестот за името, левичарски и анархистички организации одржаа контра протест, но одѕивот беше многу мал.

Пораките што тие ги упатија преку нивните плакати беа дека тие се „против секаков национализам, наша татковина е целата земја“ и „Ни капка крв за имиња и меѓу државни конфликти“ .

-За признавање на македонското малцинство, неговиот јазик и традиција и за безусловно враќање на македонските политички бегалци. Против грчкиот (и секој друг) национализам – економски империјализам. За заедничка борба на работничките организации во Грција-Македонија- Балканот, против капиталот и државите и нивните планови, беа пораките на плакатите.

Изолирани инциденти – запалено македонското знаме 

Најмалку пет мали инциденти се случија за време на масовниот протест во Солун.

Група демонстранти, според објавените фотографии и видео од солунскиот портал Thestival го запалиле македонското знаме, без при тоа да има дополнителни информации.

– Предмалку, лица што учествуваат на собирот за Македонија во Солун, го запалија знамето на пЈРМ. Потоа запалија факели и извикуваа слогани за Македонија, но и против градоначалникот на Солун, Јанис Бутарис, објави солунскиот портал.

Засега нема информации кои се лицата што го запалија македонското знаме, дали можеби се членови на некои навивачки групи на солунски фудбалски тимови или пак можеби се симпатизери или поддржувачи на Златна зора или пак станува збор за група демонстранти.

Според објавеното видео од солунскиот портал, додека двете лица го палат знамето насобраните граѓани аплаудираат и ја пеат грчката патриотска песна „Прочуена Македонија“.

За време на протестот, на мала оддалеченост од собирот, двокатна напуштена зграда, што во изминатиот период беше под опсада од анархистичка организација, од за сега непознати причини се запали, а противпожарната служба со 15 пожарникари и 6 возила се обидуваше да го изгаси пожарот.

Според дел од медиумите во Грција, пожарот бил подметнат и не ја исклучуваат можноста да настанал од фрлени молотови коктели од членови на десничарски организации. Сепак, официјална потврда нема за ваквите тврдења.

– Националистичкиот собир се чини дека им даде зелено светло на група фашисти да го нападне и запали објектот, објави порталот Лефт кој важи за гласник на владејачката СИРИЗА.

Во друг инцидент, група од 80-90 маскирани лица, веројатно анархисти, според грчките медиуми, се судрија со полицијата која употреби солзавец.

Кусо пред да заврши собирот, непознати лица го нападнале поранешниот заменик министер за образование Костас Зурарис. Додека пак претпладнево, според локалните медиуми, се случи мал инцидент, кога анархисти, со шишиња и камења нападнале група демонстранти, кои со грчки знамиња се упатувале кон протестот.

Бутарис за БТВ: Името Македонија не е закана за грчкиот идентитет 

Терминот „Македонија“ не е закана за идентитетот на Грција, изјави  градоначалникот на Солун, Јанис Бутарис по денешниот антимакедонски протест во градот.

-Луѓето се многу слабо информирани, си замислуваат разни работи и се плашат дека некој ќе ни ја украде историјата, а тоа не е вистина, изјави Бутарис за бугарската телевизија БТВ.

Солунскиот градоначалник изразил жалење дека  и  по 25 години расправии за името,  земјите се на истата позиција.

#контрапротест анахристи Грција запалена зграда Камара левичари Македонија протест Солун
Share. Facebook Twitter LinkedIn Email
ТИКЕР

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025

Анкета на Ројтерс/Ипсос: Повеќето Американци веруваат дека сите членки на ОН треба да ја признаат Палестина

August 21, 2025

Малолетници фрлиле камења врз автобус со српски туристи во близина на Солун, повредени три лица

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.