Канадскиот премиер Џастин Трудо бил дел од судир на неколку возила, меѓу кои и неговата службена придружба и обезбедувањето и еден полициски мотор. Повредено е едно лице.

Повредениот, полицаец, бил  пренесен во болница. Од судирот, полицискиот мотор прелетал преку четири коловозни ленти на автопатот.

Според „Глобал Њуз“, полицаецот е полесно повреден и не е во животна опасност.

Несреќата се случила откако Трудо со конвојот ја напуштиле библиотеката Роналд Реган, каде тој остварил посета со цел промоција на Северноамериканскиот договор за слободна трговија.