Штафетата на САД постави нов светски рекорд на 4х100 метри на Светското првенство во пливање во Будимпешта. Квартетот Мат Греверс, Лили Кинг, Кејлеб Дресел и Сајмон Мануел исплива до злато за 3:38,56 минути. Сребрениот медал го освои австралискиот состав со резултат 3:41,21 минути што претставува ново најдобро остварување на Океанија, третото место го поделија Канада и Кина кои во финалето финишираа со идентично време – 3:41,25 минути.
Италијанецот Габриеле Дети е новиот светски шампион на 800 метри слободен стил. То ја мина делницата со време за нов европски рекорд од 7:40,77 минути. Втор беше Полјакот Војчех Војдак (7:41,73 минути), а трет сонародникот на Дети, Грегорио Палтриниери (7:42, 44 минути).
Адам Пити го понесе и второто злато на пливачкиот мундијал во Будимпешта. По триумфот на 100 метри градно, Британецот триумфира и на двојно покусата патека во дисциплината со резултат 25,99 секунди пред Бразилецот Гомеш Жуниор (26,52 сек.) и Камерон ван дер Бург од Јужна Африка (26,60 сек.).