Шест репрезентации имаат максимален ефект по три одиграни кола во прелиминарната фаза на ракометното Светско првенство. Сите шест се европски, половината од нив се скандинавски. Една од нив е Шведска која во вечерниот термин во групата Д ја збриша Ангола со 37:19 и го задржа лидерското место во групата Д.
Данска и Норвешка се доминантни во групата Ц и нивниот меѓусебен дуел ќе решава за превласт на табелата. Данците во третата рунда ја поразија Саудиска Арабија со 34:22 додека Норвежаните со двоцифрена разлика ` одржаа лекција на Австрија (34:24).
Хрватска и Шпанија го водат главниот збор во групата Б. „Коцкестите“ со 31:22 попладнево ја совладаа Македонија, а Шпанците со пресврт во второто полувреме славеа над Јапонија со 26:22, откако на полувреме заминаа со минус 1 (10:11).
Франција е неприкосновена во групата А. Шампионот од последните два мундијала триумфира и над обединетиот тим на Кореја со 34:23 и се одржа на врвот на табелата. На чекор до пласман во вториот круг се и Русија и Германија по меѓусебното реми попладнево во Берлин, а чекор назад направи Србија која во првиот меч од третото коло во „Мерцедес Бенц арена“ загуби од Бразил со 22:24.
СП во ракомет (м)
Група А, 3 коло
Франција – Кореја 34:23
Русија – Германија 22:22
Србија – Бразил 22:24
Табела: Франција 6, Германија 5, Русија 4, Бразил 2, Србија 1, Кореја 0.
Идно коло (вторник): Русија – Бразил (15.30 ч.), Кореја – Србија (18 ч.), Германија – Франција (20.30 ч.)
Група Б, 3 коло
Шпанија – Јапонија 26:22
Хрватска – Македонија 31:22
Исланд – Бахреин 36:18
Табела: Хрватска 6, Шпанија 6, Македонија 4, Исланд 2, Јапонија 0, Бахреин 0.
Идно коло (среда): Јапонија – Исланд (15.30 ч.), Хрватска – Бахреин (18 ч.), Македонија – Шпанија (20.30 ч.)
Група Ц, 3 коло
Тунис – Чиле 36:30
Норвешка – Австрија 34:24
Данска – Саудиска Арабија 34:22
Табела: Данска 6, Норвешка 6, Австрија 2, Тунис 2, Чиле 2, Саудиска Арабија 0.
Идно коло (вторник): Саудиска Арабија – Тунис (16.15 ч.), Норвешка – Чиле (18.30 ч.), Австрија – Данска (20.45 ч.)
Група Д, 3 коло
Шведска – Ангола 37:19
Аргентина – Египет 20:22
Унгарија – Катар 32:26
Табела: Шведска 6, Унгарија 5, Катар 2, Египет 2, Ангола 2, Аргнтина 1.
Идно коло (среда): Ангола – Аргентина (15.30 ч.), Унгарија – Египет (18 ч.), Катар – Шведска (20.30 ч.)