Министерот за внатрешни работи, Оливер Спасовски ги отвори вратите на мерцедесот на поранешниот премиер, Никола Груевски, вреден 630 илјади евра пред камерите. Овој
Тој кажа дека граѓаните заслужуваат да го видат она што е купено со нивни пари и дека го оставиле онака како што го начекале во гаражата.
Овој мерцедес беше дел од бомбите кои што ги објави лидерот на СДСМ и сегашен премиер, Зоран Заев.
Инаку Специјалното јавно обвинителство отвори истрага за набавката на службениот Мерцедес на експремиерот Никола Груевски вреден 572.000 евра под кодно име „Тенк“.
Првоосомничена за „злоупотреба на службената положба и овластување“ е поранешната министерка за внатрешни работи, Гордана Јанкулоска, која заедно со уште едно лице се сомничат за дејствија случени во периодот од февруари 2012 година до крајот на октомври 2012 година.
„Во конкретниот случај постои основано сомнение дека со цел да ја исполнат желбата на тогашниот премиер за набавка на специјален тип на патничко моторно возило, првоосомничената го поттикнала второосомничениот да ја искористи својата службена положба и овластувања и при вршење на јавни набавки, незаконски да повласти – фаворизира определен економскиот оператор и да се набави возило од тој тип“, соопштија од СЈО.