Published: Thursday, June 1, 2017 16:54
Министерот за внатрешни работи, Оливер Спасовски денеска на прес-конференција, одговарајќи на новинарско прашање рече дека наскоро ќе се знаат имињата на новите директори на Бирото за јавна безбедност и на Управата за безбедност и контраразузнавање.
„Изминатиов период размислував на оваа тема и се уште размислувам. Кога ќе донесам одлука јавноста ќе биде информирана“, рече Спасовски.
Тој додаде и дека наскоро се очекува да биде готов извештајот на работното тело за настаните во Собранието на 27 април.