Оставка од министерот за внатрешни работи, Наќе Чулев во врска со одржаната литија во Струга, според премиерот Оливер Спасовски, е морален чин. Непочитување на одлуките, неактивирање на полициски службеници да преземат соодветни мерки, секако дека бара и одговорност, смета претседателот на техничката Влада.
„Донесовме заклучоци и побаравме сите надлежни институции целосно да го расветлат случајот и за организаторите, за оние што присуствувале, оние кои не ги почитуваат одлуките на Владата и со тоа директно го доведуваат во прашање животот и здравјето на граѓаните да се отворат постапки. Побарвме и да се отвори постапка и во делот на организација на настанот во МВР“, рече премиерот денеска во обраќањето пред Споменикот на ослободителите на Скопје во дворот на Владата на Република Северна Македонија, а по повод 9 мај.
Според него оставка од Чулев е морален чин. Ние, додаде тој, се наоѓаме во време што е ненормално, време кое нè изместува сите од обичниот начин на живеење и време кое ќе бара нова нормалност во идниот период. Непочитувањето на одлуките, неактивирање на полициски службеници тоа го казнуваат да се преземаат соодветни мерки, секако дека бара и одговорност.