Претседателите на долгогодишните владини коалиционери ВМРО-ДПМНЕ и ДУИ, Никола Груевски и Али Ахмети, денеска се сретнале и разговарале за изборите и политичката состојба. Партиите во исто време испратија идентично соопштение до медиумите за денешната средба меѓу лидерите на двете парти, Во информацијата до јавноста, двете партии соопштија дека било разговарано за актуелната политичка состојба, а била направена и анализа на резултатите од изборите. Кусото соопштение не открива каде била средбата, а не беа споделени ниту фотографии од истата, како што е обичај.
„Aкцентот во разговорите помеѓу двајцата лидери беше ставен на две точки и тоа анализа на резултатите од изборите одржани на 11 декември, кои беа оценети како слободни, фер и демократски, како и анализа на актуелната политичка состојба. Двајцата лидери разменија мислења за актуелната политичка ситуација по изборите и за престојните предизвици на тој план“, се вели во идентичните соопштенија на двете партии.