Лидерот на ДУИ, Али Ахмети денес оствари средба со амбасадорот на Албанија во Македонија, Фатос Река, соопштува партијата.
Тие разговарале околу политичките случувања во Македонија и регионот како и за ситуацијата по изборите на 11 декември.
Ахмети истакнал дека изјавата на албанските политички партии е заеднички производ од изборните платформи и изразил уверување за искрено и конструктивно охрабрување на Тирана и Приштина за ова внатрешно постигнување.
Првиот човек на ДУИ го запознал амбасадорот дека продолжуваат интензивните консултации со партиските тела, со интелектуалци и претставници на граѓанското општество и меѓународната заедница, на дневна основа.
Ахмети исто така го нагласил инсистирањето на ДУИ околу нејзините поставувања бидејќи нивното спроведување, како што смета партијата, е од корист за целото општество и претставува склучување на нормативните обврски од Охридскиот Договор и исполнување на очекувањата во ЕУ и НАТО.