Лидерот на ГРОМ, Стевчо Јакимовски ја доби битката со Душко Весковски од СДСМ и во наредните четири години ќе биде нов градоначалник на Карпош. Тој предмалку се обрати до јавноста и се заблагодари за поддршката на народот за кој бил сигурен дека е на негова страна.

Бев омаловажуван, оспоруван, притворуван, но влегов во оваа кампања оти од почеток бев сигурен дека народот е на моја страна и знаев дека ќе стигнам до победата. Ќе ги коригираме грешките во наредниот период, ќе работиме поорганизирано и попосветено. Вратите за решавање на проблемите на граѓаните на Општина Карпош ќе бидат уште поотворени во иднина, најави Јакимовски.

Според последните податоци на Државната изборна комисија (ДИК), по пребројани 44,59 отсто од гласовите, Јакомовски води со 51,63 отсто освоени гласови пред Душко Весковски кој има 43,23 отсто од гласовите или преведени во бројки на гласови, резултатот е 6.685: 5.598 во корист на лидерот на ГРОМ.