Владата денеска преку соопштение објави список на советниците и надворешните соработници на поранешниот премиер Никола Груевски и нивните плати. На списокот што им е доставен на медиумите, се наоѓаат имињата на 91 луѓе, кои како што се наведува од прес службата на Владата, биле советници и надворешни соработници на поранешниот Претседател на Владата на Никола Груевски од 2010 до 2016 година.
Сепак од Владата тврдат дека недостасуваат податоци од авторски агенции преку кои биле ангажирани надворешни соработници, па според тоа и оваа бројка од 91 советници и надворешни соработници, не е финална.
Според пресметките на Владата, сите овие ангажирани луѓе, годишно чинеле 1,73 милиони евра.
Сепак, во соопштението се наведува дека овие податоци не го опфаќаат периодот од 2006 до 2010 година, кои се уште не се обработени поради, како што се наведува, обемот на архивирана документација и нестандардното архивирање.
На овој список е и името на актуелниот претседател на ВМРО ДПМНЕ Христијан Мицкоски, во чиј договор како што се наведува нема наведена сума туку само дека бил ангажиран со надомест со коефициент 1.8. на Никола Груевски, но со доаѓањето на Емил Димитриев, овој договор е заменет со нов како надворешен соработник за енергетика.
Меѓу оние кои биле ангажирани за неколку илјади евра годишно, е Роберт Валтер, поранешен известувач за постмониторинг дијалогот на Македонија и потпретседател на Парламентарното собрание на Советот на Европа од 2010 година до 2015 година, како советник бил ангажиран за 7.000 евра месечно. Неговото име се најде во извештајот на независното тело кое ја истражуваше корупцијата меѓу пратениците на Парламентарното Собрание на Советот на Европа, каде се истакнува и фактот дека кога го склучил договорот со македонската Влада, Валтер бил член на Парламентарното Собрание на Советот на Европа и ја оценувал ситуацијата во Македонија. Тој бил во контакт и со претседателот на македонската делегација во ПССЕ, кој одбил да даде изјава пред истражителите за улогата што ја имал Валтер.
Дополнително на тоа, консултантскиот договор со Валтер бил склучен во период кога во Стразбур се избираше судија од Македонија за Судот за човекови права и беше избран Јован Илиевски, баџанак на поранешниот директор на ДБК, Сашо Мијалков.
Во извештаите што ги пишувал тогаш до Владата, а кој беа објавени во емисијата „360 степени“, Валтер нотира дека тие денови бил во Стразбур и вршел консултации но не наведува конкретно каква работа завршил. Јован Илиевски беше избран за судија во Судот за човекови права во Стразбур со 106 гласа од парламентарците на земјите членки на Советот на Европа, а уставната судијка Наташа Габер Дамјановска, која исто така беше предложена доби 86 гласови.
На списокот што го објави Владата се наоѓаат и Влатко Илиевски, сопруг на екс министерката Гордана Јанкуловска, Срѓан Керим, сопственик и извршен директор на МПМ, во чија сопственост беа сега згаснатите весници Дневни, Утриснки весник, Вест и Теа модерна и порталот Телеграф, актерот Сенко Велинов, професорите Бранислав Саркањац и Владо Поповски. Како што претходно беше објавено, еден од советиците на Груевски бил и Александар Никовски, син на екс амбасадорот Ристо Никовски, кој најжестоко ја бранеше политиката на претходниот режим, кој бил ангажиран за 3.000 евра месечно.
На спис
окот има и неколку имиња на странски државјани кои биле ангажирани за неколку илјади евра за совети од различни области. Словенечкиот експерт за туризам Марјан Хрибар, поранешен директор на директоратот за туризам на Република Словенија, потоа претставник на таа земја во ЕУ Комитетот за туризам, претседател одговорен за Европа на Светската туристичка организација при Обединетите Нации и генерален директор за туризам и интернационализација во Министерството за економија на Република Словенија го советувал Груевски за 2.500 евра годишно, Џорџ Р. Пери за 5.000 американски долари месечно, како експерт во автомобилската индустрија, а негова задача била да соработува со врвни компании за промоција на предностите и можностите кои ги нуди Македонија на потенцијалните странски инвеститори. Целта била да привлече странски инвеститори од автомобилската и другите индустрии ориентирани кон европскиот пазар, Израелецот Џошуа Глајтман за 26.000 американски долари годишно плус сите останати трошоци за патување и престој и Колин Џефри за 4.000 евра месечно.
Џефри во Македонија стана многу повеќе познат откако почина во скопскиот хотел Супер 8, отколку како човек кој донел инвестиции во земјава. Тоа е човекот чија смрт направи паника во Скопје дека починал од ебола, а потоа се испостави дека всушност имал проблеми со желудникот. Негова задача, според договорот, била остварување контакти со странски компании заинтересирани да инвестираат во Македонија, комуникации со економски тела, стопански комори и бизнис асоцијации, организирање настани за промоција на Македонија и соработка со министрите во македонската Влада.
За ангажманот на овие лица, НОВА објави истражување лани во септември.
| Марјан Хрибар | Месечно 2500 Евра |
| Јехоша Шуки Глајтман | надворешен соработник надоместок Годишно 26.000 американски долари. Покрај надоместоците, на надворешниот соработник му се обезбедуваат патни трошоци, трошоци за исхрана и хотелско сместување за време на неговиот престој во РМ |
| Александар Никовски | Месечно 3000 Евра |
| Роберт Валтер | Месечно 7000 Евра |
| Христијан Мицкоски | ангажиран со надомест со коефициент 1.8. на Никола Груевски. го менува договорот со наредниот премиер Емил Димитриев во надворешен соработник за енергетика (нема сума на договорот) |
| Колин Џефери | Месечно 4000 Евра |
| Џорџ Р. Пери | Месечно 5000 американски долари |
Покрај индивидуалните договори за советување поранешниот премиер Никола Груевски, од Владата велат дека има договори за консултантски услуги од меѓународни агенции за застапување, правни консултации, градење на бренд, за менаџирање на углед и слично во 2015 и 2016 година. Се работи за 4 договори со вкупна вредност од 569.000 евра или 34,99 милиони денари.
Во продолженние е листата на сите ангажирани советници и надворешни соработници во кабинетот на екс премиерот Никола Груевски.
- Азир Алиу
- Александар Ѓорѓиев
- Александар Митов
- Александар Никовски
- Ана Блажеска
- Антонио Пеков
- Бојан Петровски
- Бранислав Саркањац
- Вања Христовска
- Василка Габер
- Вера Димитриева
- Весела Костовска
- Виктор Михајловски
- Виктор Новаковски
- Виолета Марковска
- Владо Поповски
- Влатко Илиевски
- Горан Лазов
- Горан Мојсовски
- Горан Торбаков
- Горан Устијаноски
- Данче Сотироска
- Дарко Ангелов
- Дебора Лакаордова
- Дејан Бујишиќ
- Дејан Герасимовски
- Димитар Самарџиевски
- Димитар Трифуновски
- Димче Лазаревски
- Дино Стеријевиќ
- Ѓоко Николовски
- Елена Ивановска
- Елена Новачка
- Елизабета Панговска
- Иван Стојановски
- Ирена Лесовска
- Исмет Османи
- Јана Глигоровска
- Јасмина Апостолска
- Јасминка Васкова Ташкова
- Јордан Поповски
- Јехошуа Шуки Глајтман
- Катерина Димовска
- Кенан Абди
- Колин Џефри
- Коче Гаврилов
- Кристијан Арсов
- Крсте Маљановски
- Лазо Трпков
- Луке Галески
- Љупчо Ефремов
- Марија Апостолова
- Марија Влашчева
- Марија Ивановска-Гуговска
- Марија Јакимовска
- Марина Ефремовска
- Марјан Хрибар
- Мартина Антиќ
- Мартина Тевчева
- Мери Атанасовски
- Методиј Хаџи Васков
- Милош Стокуќа
- Мирвет Рамадани
- Мичо Апостолов
- Наталија Пешиќ
- Ненад Коцевски
- Панче Кралев
- Перо Китановски
- Огнена Никуљска
- Роберт Валтер
- Розета Видоеска
- Розета Трајан
- Сања Димитриевска
- Саша Грујевски
- Сашо Павлоски
- Сашо Стефановски
- Сенко Велинов
- Славе Веловски
- Славица Тодорова
- Слободан Тодоровски
- Слободан Трчков
- Соња Тодороска
- Срѓан Керим
- Тања Костовска
- Татјана Арсова
- Тео Вајгел
- Тодор Теменуговски
- Фиданчо Велиновски
- Христијан Мицковски
- Христина Костовска Радинска
- Џорџ Пери