Откако во мај месец на пациент му ампутирала погрешна нога, наместо левата, десната нога, а грешката била откриена два дена подоцна, докторка хирург денеска беше осудена од судот во Линц за тешка негрижа и со парична казна од 2.700 евра.Пациентот набрзо по операцијата починал не го ни дочекал судскиот развој на настаните. На неговата сопруга судот и додели 5.000 евра одштета.
Пациентот лежел во болницата Фрајштат , минатиот мај , поради ампутација на ногата , но хирургот обележал погрешна нога, информира агенцијата АФП, пренесува РТС.
Грешката била воочена по замена на завојот , а на пациентот после тоа му е кажано дека требало да му ја ампутираат и другата нога.
Болницата тогаш соопшти дека инцидентот е резултат на след на несреќни околности . Директорот на болницата се извини јавно.
Докторката на суд рекла дека дошло до грешка во „ командниот синџир“ во операционата сала.
Прашана зошто ја означила десната, наместо левата нога , одговорила со „ не знам“.
По овој инцидент докторката е преместена во друга болница.
Сличен ваков случај се случи и во 1995 година, кога доктор во САД , во текот на операцијата сватил дека ампутира погрешна нога на пациент-дијабетичар, но бил принуден да продолжи откако веќе го исекол мускулот и клучните тетиви и лигаменти.