Србија е единствената репрезентација со максимален ефект по групната фаза на финалниот турнир во Светската ватерполо лига што овие денови се одржува во спортскиот центар „Ташмајдан“ во Белград. Мечот од последното трето коло во Б конкуренцијата, како што се очекуваше, беше само полесен тренинг за момците на Дејан Савиќ кои го декласираа Казахстан со 20:6 (по четвртини: 4:0, 6:3, 6:1, 4:2).
Српските ватерполисти во второто коло славеа над Хрватска со 11:10, а на стартот и над Австралија со 12:8. Нивни противник утревечер во четврт-финалето ќе биде селекцијата на Канада.
Хрватска, пак, групната фаза, покрај поразот од Србија, забележа и две победи – против Казахстан со 20:4 и против Австралија со 11:9. Популарните „баракуди“ во четврт-финалето ќе играат со Јапонија. Нов дуел меѓу двете репрезентации од поранешна Југославија е можен во финалето.
Шпанија заврши како првопласирана во групата А со две победи и пораз. „Фуријата“ во последното коло ја оправда фаворитската улога против Канада и триумфира со 12:5. Унгарија дури во четвртата четвртина го скрши отпорот на незгодните Јапонци кои ги совлада со 13:9.
Светска лига во ватерполо – Белград 2019
Група А, 3 коло
Канада – Шпанија 5:12
Унгарија – Јапонија 13:9
Табела: Шпанија 7, Унгарија 5, Јапонија 3, Канада 3.
Група Б, 3 коло
Казахстан – Србија 6:20
Хрватска – Австралија 11:9
Табела: Србија 9, Хрватска 6, Австралија, Казахстан 0.
Двојки за четврт-финале
Унгарија – Австралија (петок, 15 ч.)
Јапонија – Хрватска (петок, 16.45 ч.)
Шпанија – Казахстан (петок, 19.15 ч.)
Канада – Србија (петок, 21 ч.)
Полуфинале 1 (сабота, 15 ч.)
Полуфинале 2 (сабота, 16.45 ч.)
За трето место (недела, 15 ч.)
Финале (недела, 16.45 ч.)