Светска здравствена организација (СЗО) синоќа соопшти дека во изминатите 24 часа се потврдени рекордни 262.929 случаи на Ковид-19. Бројот на смртни случаи се зголеми за 5.851, па сега има вкупно 680.894 лица кои починале како последица на коронавирусот, а бројот на заразени се искачи на 17.660.523 милиони луѓе. Статистиката на СЗО е заснована на официјално потврдени податоци од земјите.
Најголем број на инфицирани лица или 9.476.763 милиони се регистрирани во Јужна и во Северна Америка. Бројот на заразени лица за едно деноноќие во тој дел од светот се зголемил за 156.433, а бројот на починати порасна за 3.963, па вкупниот број на смртни случаи е 359.180.
Во Европа се потврдени вкупно 3.375.535 милиони случаи на Ковид-19 и вкупно 213.284 смртни случаи. Во изминатите 24 часа, бројот на новозаболени се зголеми за 17.419 луѓе, а бројот на смртни случаи за 323.
Во Југоисточна Азија за еден ден се потврдени 58.971 случаи и 937 лица кои починале од последици на Ковид-19. Вкупниот број на заразени лица во тој регион се искачи на 2.131.165 милиони луѓе, а од почетокот на пандемијата починале 45.837.
Лидер по бројот на заразени лица се САД со 4.523.888 милиони потврдени случаи по кои следат Бразил со 2.662.485 милиони случаи и Индија со 1.750.723 милион заразени луѓе.
На четврто место е Русија со 850.870 заболени, петта е Јужноафриканската Република со 503.290 инфицирани лица, потоа Мексико со 424.637 заболени и Перу со 407.492..
Меѓу првите десет земји во светот по бројот на заразени лица се и Чиле со 357.658 случаи, Иран со 306.752 заболени и Велика Британија со 303.956 заразени со Ковид-19.