Косовскиот претседател, Хашим Тачи, смета дека треба да се ратификува договорот за демаркација на границата со Црна Гора за да може граѓаните на Косово да патуваат без виза во земјите на ЕУ.
Тој посочува дека едно такво барање добил и од комесарите на ЕУ на последните средби.
„Еврокомесарите Хан и Аврамопоулос, уште еднаш повторија дека Брисел ја очекува ратификацијата на договорот за демаркацијата на границата за да го укине визниот режим за граѓаните на Косово. Сега во рацете на пратениците на Парламентот е да одлучат кога граѓаните на Косово слободно ќе патуваат во Шенген зоната“, смета Тачи.
Ден пред тоа премиерот Иса Мустафа оптимистички изјави дека набрзо ќе биде реализирано прашањето за демаркација на границата со Црна Гора а со тоа и добивањето визна либерализација, како и формирањето на Заедницата на српски општини.
Договорот за демаркација на границата,тој најави дека ќе биде на дневен ред на Собранието на почетокот на следниот месец.