Претседателот Џо Бајден најверојатно се заразил со многу заразна варијанта на коронавирусот што брзо се шири низ Соединетите Држави и сега има болки во телото и болки во грлото по неговиот позитивен тест, изјави денес неговиот лекар.

Варијантата, позната како BА5, е верзија на сојот омикрон што се појави кон крајот на минатата година и се верува дека е одговорен за огромното мнозинство на случаи на коронавирус во САД.

Д-р Кевин О’Конор, лекарот на претседателот, во своето последно реферирање за состојбата на Бајден напиша дека се повлекуваат претходните симптоми на Бајден течење на носот и кашлица.

Виталните знаци на Бајден, како што се крвниот притисок и фреквенцијата на дишење, „остануваат целосно нормални“, а сатурацијата му е одлична и нема отежнато дишење, соопшти докторот.

Бајден беше позитивен на вирусот во четвртокот наутро. Оттогаш тој е изолиран во резиденцијата на Белата куќа. Претставниците на администрацијата нагласија дека неговите симптоми се благи бидејќи примил четири дози вакцина, а почнал да зема антивирусен лек Паксловид откако се заразил.

За време на виртуелниот состанок со економските советници во петокот, Бајден беше се зарипнат глас, но рече дека се чувствува многу подобро отколку што звучи.

Бајден, имал покачена температура во четвртокот вечерта, но таа се вратила во нормала откако земал Тајленол. (АП)